<第一次係香港食到花吱蟹😍> 黑樺牛最近網上見好多人推，啲牛嘅雪花靚到呢！今日就慕名去咗瘋狂食靚和牛🤭 我哋上到去店員向我哋介紹佢地有花吱蟹，全港得佢地獨家！重點價錢唔貴，$152/1隻😍好抵試！由於要留肚試其他，所以淨係叫咗一隻！每年8至10月先有得食，我估計我哋係第一造‼️超多蟹黃蟹膏👍🏼好鮮甜，雖然佢唔算大隻而係表面好多尖硬刺，但係味道香濃鮮美，蟹膏味道超濃郁！ 之後再有蒸海鮮，係日本蠔嚟😋唔洗任何調味料，配料，就咁蒸已經好好食🥹好新鮮唔腥！質素好得！！！！見佢仲有$108任食，下次可以✨✨ 訂咗位所以有燉湯飲添呀!!今日係冬瓜豆腐海鮮湯👍🏼好鮮味！多配料！仲有其他小食俾你掃QR code任點！不過我要留肚食牛😗所以叫咗小小咋~ 終於到今日最期待嘅一刻，打邊爐！佢勁多選題俾你揀，有牛肩胛，牛前胸，和尚頭，牛板健，霜降小排😝超豐富!!重點！全部都係和牛黎😚 每碟都連碟一齊雪，有心思！而且每碟上面都有個名牌等你知道自己食緊咩，方便encore 🤣今日我至愛就係肩胛梅花，肥瘦均勻，雪花超靚！食落唔重牛味，彈牙爽口，食咗幾舊都唔會漏✨✨推薦！ 最後緊係食甜品！有自家制沙冰，店員教我地可以拎球雪糕再配沙冰食😍有驚喜‼️‼️ ================= 黑樺牛 (尖沙咀) 尖沙咀堪富利士道6-6A號爵寓1樓 =================